بطور رہنما لبرل ڈیموکریٹک پارٹی دوبارہ الیکشن نہیں لڑونگا: فومیو کشیدا
ٹوکیو ( این این آئی) جاپان کے وزیر اعظم فو میو کشیدا نے عہدے سے مستعفی ہونے کا اعلان کر دیا۔ غیر ملکی خبر رساں ادارے کے مطابق جاپانی وزیر اعظم فومیو کشید نے بیان میں کہا اگلے ماہ عہدے سے مستعفی ہو جاؤں گا، عوام کے اعتماد کے بغیر سیاست نہیں چل سکتی، سیاسی اصلاحات آگے بڑھانے کے عزم کے ساتھ مستعفی ہونے کا فیصلہ عوام کے لئے کیا، لبرل ڈیموکریٹک پارٹی کے لیڈر کے طور پر دوبارہ انتخاب نہیں لڑوں گا۔ فو میو کشیدا نے عوام کے عدم اعتماد، سیاسی تنازعات اور اشیائے ضروریہ کی بڑھتی قیمتوں کے باعث مستعفی ہونے کا فیصلہ کیا۔ جاپانی میڈیا کے مطابق فومیو کشیدا کی ایل ڈی پی رواں برس ستمبر میں پارٹی صدر کا انتخاب کرے گی۔
